ესპანურმა "ვალენსიამ" ჯენარო გატუზო მთავარი მწვრთნელის თანამდებობიდან გაათავისუფლა.

"ლოს ჩე" ლა ლიგის ცხრილში მე-14 ადგილზეა. სეზონის განახლების შემდეგ "ღამურებს" თამაში არ მოუგიათ, გასულ უქმეებზე კი "ვალიადოლიდთან" წააგეს/

გატუზო ბოლო კვირებში უდიდესი წნეხის ქვეშ იმყოფებოდა. ეს ესპანეთის სუპერთასსა და კოპა დელ რეიზე განცდილმა მარცხებმაც გაამწვავა.

შეგახსენებთ, რომ იტალიელმა სპეციალისტმა "ვალენსია" სეზონის დაწყებამდე ჩაიბარა. "მესტალიაზე" გატარებულ 7 თვეში მან ლა ლიგის სულ 5 მატჩი მოიგო, კლუბის მფლობელ პიტერ ლიმთან კი ურთიერთობა ბოლომდე გაიფუჭა.

ახალი სპეციალისტის მოძებნამდე, "ვალენსიას" მთავარი მწვრთნელის მოვალეობის შემსრულებელი ვარო გონსალესი იქნება. მომდევნო მატჩი "ღამურებს" 2 თებერვალს, მადრიდის "რეალის" წინააღმდეგ ელოდებათ.