არიიის! მერაბ დვალიშვილმა კორი სენდჰეგენი დაამარცხა და საჩემპიონო ქამარი დაიცვა

მერაბ დვალიშვილმა UFC-ის სუპერმსუბუქი წონის საჩემპიონო ქამარი შეინარჩუნა. ლას ვეგასში გამართულ ღონისძიებაზე ქართველმა მებრძოლმა ამერიკელი კორი სენდჰეგენი დაამარცხა.

34 წლის მერაბ დვალიშვილმა სუპერმსუბუქ დივიზიონში ალჯამეინ სტერლინგის რეკორდი გაიმეორა, მან თავისი ტიტული უკვე სამჯერ დაიცვა.

ქართველმა მებრძოლმა ჩემპიონის ქამარი გასული 2024 წლის სექტემბერში, შონ ო’მალის დამარცხების შემდეგ მოიპოვა. ჩემპიონის რანგში მიმდინარე წლის იანვარში მან უმარ ნურმაგომედოვს მოუგო, ხოლო ივნისში კვლავ ო'მალის სძლია.

მერაბ დვალიშვილს შერეულ ორთაბრძოლებში გამართული 25 შეხვედრის შემდეგ 21 გამარჯვება და 4 მარცხი აქვს. ეს მოგება მისთვის ზედიზედ მე-14 იყო. ამჟამად UFC-ს ისტორიაში ამ მხრივ მას მხოლოდ ისლამ მახაჩევი, კამარუ უსმანი (ზედიზედ 15 გამარჯვება) და ანდერსონ სილვა (ზედიზედ 16 გამარჯვება) უსწრებენ.