• 14-04-2022
    VIDEO: ბაქარ ქარდავას გოლი "საბურთალოსთვის" საკმარისი არ აღმოჩნდა
    VIDEO: ბაქარ ქარდავას გოლი "საბურთალოსთვის" საკმარისი არ აღმოჩნდა

    ეროვნული ლიგის მეხუთე ტურის გადადებული შეხვედრა დღეს გაიმართა. თბილისურ დერბიში "საბურთალომ" "დინამოს" უმაპინძლა. მასპინძლებმა ანგარიში 33-ე წუთზე გახსნეს. ბენედიკ მიოჩის ჩაწოდებული კუთხური ბაქარ ქარდავამ გოლად გარდასახა და გუნდები შესვენებაზე ამ ანგარიშით გავიდნენ. შეხვედრის მეორე ნახევარში "საბურთალომ" მეტოქეს გოლის გატანის საშუალება არ მისცა, თუმცაღა მატჩის მიწურულს, დამატებით დროში ლევან ხარაბაძის შესანიშნავი გადაცემა გიორგი გაბედავამ  გოლად გარდასახა და "დინამოს" ქულა მოუტანა. 


    გადადებული ტურის დანარჩენი მატჩებიც დღეს შედგა. "თელავი" შინ "ტორპედოს" დაუხვდა. შეხვედრა უგოლო ფრით დასრულდა. ქულები "სამგურალმა" და "გაგრამაც" გაიყვეს, თუმცაღა ამ დაპირისპირებაში გუნდებმა თითო თითო გოლი შეაგდეს.


    საქართველოს ეროვნულ ლიგას ბათუმის "დინამო" ლიდერობს 16 ქულით, მეორე გორის "დილა" 15, ხოლო თბილისის "დინამო" მესამე 14 ქულით.


    მომდევნო ტურის მატჩები 18 აპრილს, ორშაბათს შედგება.

    Facebook კომენტარები