როგორც მოგეხსენებათ, საქართცელოს ნაკრებისა და “მეცის” 22 წლის ფეხბურთელი, გიორგი მიქაუტაძე მიმდინარე სეზონში ფანტასტიკურად გამოიყურება.

თურქული სააგენტო Fotospor-ის მიერ გავრცელებული ინფორმაციის თანახმად, “ტრაბზონსპორი” გიორგი მიქაუტაძის შეძენით აქტიურად ინტერესდება.

თურქული გუნდი ქართველი ფეხბურთელის თამაშით აღფრთოვანებულია და მისი შეძენა სურს. გიორგისთან ერთად “ტრაბზონსპორი” ჟან-ფილიპ კრასოს დამატებითაც ინტერესდება.

შეგახსენებთ, რომ რამდენიმე დღის წინ “მილანის” ინტერესის შესახებაც გავრცელდა ცნობები. “როსონერი” მიქაუტაძეში 10 მილიონ ევროს იხდის.

ცნობისთვის, გიორგი მიქაუტაძემ მიმდინარე სეზონში ლიგა 2-ში ჩატარებულ 35 შეხვედრაში 23 გოლი გაიტანა და 8 საგოლე გადაცემა შეასრულა.