• 19-04-2022
    კვარაშოუ - როგორ ეხმიანება იტალიური მედია კვარაცხელიას გუშინდელ პერფორმანსს
    კვარაშოუ - როგორ ეხმიანება იტალიური მედია კვარაცხელიას გუშინდელ პერფორმანსს
    ავტორი
    Aa

    კრისტალბეთ ეროვნული ლიგის მორიგ ტურში ბათუმის "დინამომ" "გაგრა" გამანადგურებელი ანგარიშით, 5-2 დაამარცხა, ხვიჩა კვარაცხელიას ანგარიშზე კი დუბლი და საგოლე გადაცემა იყო.


    გამომდინარე იქიდან, რომ კვარაცხელიას "ნაპოლიში" ტრანსფერი პრაქტიკულად გადაწყვეიტლია, იტალიური მედია მის პერფორმანსებს ლუპით აკვირდება. მათ ხვიჩას გუშინდელი პერფორმანსი არ გამორჩენიათ:


    "კვარაცხელიამ ეროვნულ ლიგაში ნამდვილი შოუ დადგა. მატჩში, რომელიც "დინამომ" 5-2 მოიგო, ხვიჩა უბრალოდ დომინირებდა - 2 გოლი, 1 ასისტი და ბევრი დასამახსოვრებელი ეპიზოდი." - Tuttonapoli.


    "დუბლი, ასისტი და რამდენიმე შესანიშნავი ეპიზოდი - აი ასე ითამაშა კვარაცხელიამ "გაგრას" წინააღმდეგ, ის მალე "ნაპოლის" შენაძენი გახდება." - Napolimagazine.


    "ხვიჩა შესანიშნავად ასპარეზობას განაგრძობს. მან "გაგრას" წინააღმდეგ დუბლი და ასისტი შეასრულა, ის თავისი გუნდის მთავარი პროტაგონისტი იყო, მალე კი "ნაპოლიში" ჩაირიცხება." - Forzazzurri.

    Facebook კომენტარები