• 09-05-2022
    კვარაცხელიას შეკრებაზე ელიან - რას წერენ იტალიურ მედიაში
    კვარაცხელიას შეკრებაზე ელიან - რას წერენ იტალიურ მედიაში
    ავტორი
    Aa

    მომდევნო სეზონს ხვიჩა კვარაცხელია "ნაპოლის" რიგებში დაიწყებს, იქამდე კი ბათუმის "დინამოს" ღირსებას იცავს და იქიდან იქცევს იტალიელების ყურადღებას. 


    ქართველმა გარემარბმა გორის დილას წინააღმდეგ გაიტანა გოლი, ეს კი შეუმჩნეველი არ დარჩენილა იტალიაში:


    "ქართველის მორიგი შოუ და გატანილი გოლი გორის დილას წინააღმდეგ! კვარაცხელიას გუნდი მეორე ადგილზე მყოფ თბილისის "დინამოს" 5 ქულით უსწრებს." - Calcionapoli1926.


    "კვარაცხელია შიდა ჩემპიონატში გუნდს კვლავ ლიდერობს. ბათუმელებმა გორის დილას 3-0 სძლიეს, პირველი გოლი კი სწორედ ხვიჩას ანგარიშზეა, რომელიც ჯერ მცველებს გაცდა, შემდეგ კი დიაგონალური დარტყმით უშანსოდ დატოვა მეტოქე გუნდის მეკარე." - Spazionapoli.


    "კვარაცხელია იტალიელების გაოცებას აგრძელებს - მან მორიგი შესანიშნავი გოლი გაიტანა. ივლისში ქართველი მოთამაშე ლუჩანო სპალეტის გუნდს წინასასეზონო შეკრებაზე შეუერთდება, სპალეტი მას ელის, რათა ხვიჩას შესაძლებლობები კიდევ უფრო უკეთ შეისწავლოს. მას შეუძლია გახდეს ფეხბურთელი, რომელიც "ნაპოლის" ფანებს გაახარებს." - Areanapoli.


    Facebook კომენტარები