• 10-05-2022
    ბორდალასმა მამარდაშვილის შესახებ მნიშვნელოვანი განცხადება გააკეთა
    ბორდალასმა მამარდაშვილის შესახებ მნიშვნელოვანი განცხადება გააკეთა

    "ვალენსიას" მთავარმა მწვრთნელმა, ხოსე ბორდალასმა თავისი გუნდის ახალგაზრდა გოლკიპერის, გიორგი მამარდაშვილის შესახებ ვრცელი კომენტარი გააკეთა.


    "ვაპირებთ თუ არა მამარდაშვილის შენარჩუნებას? სიმართლე გითხრათ, წარმოდგენა არ მაქვს, გეგმავს თუ არა კლუბი მის გაყიდვას. მე გიორგის სათამაშო დონე სავსებით მაკმაყოფილებს. როგორც წესი, არ ვტრაბახობ ხოლმე, მაგრამ მე ფეხბურთელები სწორად შევაფასე. ამაას ყველა მოთამაშესთან ვერ გააკეთებ, თუმცა გიორგი სწორედ ეს შემთხვევაა.


    მეუბნებოდნენ, რომ ის მეორე გუნდში უნდა გამეშვა, თუმცა მე წინააღმდეგი ვიყავი. ვხედავდი მის მზაობას პირველ გუნდში ადგილისთვის საბრძოლველად და დრომ გამოაჩინა, რომ მართალი ვიყავი," - თქვა ბორდალასმა.


    შეგახსენებთ, რომ 21 წლის მეკარე "ვალენსიამ" გასულ ზაფხულს იჯარით დაიმატა, დეკემბერში კი მისი კონტრაქტი "დინამო თბილისიდან" სრულად გამოისყიდა.


    მიმდინარე სეზონში გიორგიმ 20 მატჩში მიიღო მონაწილეობა და გოლგაუშვებლად 9 ჩაამთავრა. მამარდა ლა ლიგის სამი შეხვედრის საუკეთესო ფეხბურთელადაც დასახელდა, ამ სამიდან კი ბოლო ორი მიჯრით იყო ჩატარებული.

    Facebook კომენტარები