• 18-05-2022
    "შენ მოგატყუეს!" - სპალეტიმ რუსები ხვიჩაზე ლაპარაკით დაბოღმა
    "შენ მოგატყუეს!" - სპალეტიმ რუსები ხვიჩაზე ლაპარაკით დაბოღმა

    იტალიური "ნაპოლის" გამოცდილმა მთავარმა მწვრთნელმა, ლუჩიანო სპალეტიმ გუშინ "პარტენოპეის" ქართველი ახალწვეულის, ხვიჩა კვარაცხელიას შესახებ ისაუბრა და ახალგაზრდა იერიში შესანიშნავი სიტყვებით დაახასიათა.


    ნეაპოლიტანური გრანდის თავკაცის კომენტარი რუსული მედიის ყურადღების სფეროშიც მოხვდა. გასაკვირი არაა, რომ რუსი გულშემატკივრების უმეტესობა სპალეტის განცხადებამ ღვარძლით აავსო, რაც მათ გამოხმაურებებშიც აისახა:


    "ლუჩიანო, შენ მოგატყუეს!"


    "არ მესმის, სპალეტი ბათუმის "დინამოს" მწვრთნელია?"


    "ძალიან საკვირველია. მან პოზიციური შეტევებისას თავი ცუდად წარმოაჩინა. სისწრაფეში, ღია სივრცეში, კონტრიერიშებზე ხვიჩა კარგია, მაგრამ შეზღუდულ სივრცეში მოიკოჭლებს."


    "ვინმემ უთხარით სპალეტის, რამდენი გოლი გაიტანა ხვიჩამ რუსეთის ჩემპიონატში."


    "ლუჩიანო, ასეთი რამეების თქმა შეწყვიტე. შენ ვინ რას გეკითხება, როცა კვარაცხელიაზე "ჩემპიდან" ექსპერტები მოგიყვებიან..."


    როგორც ხედავთ, ჩრდილოელებს კვარას "ნაპოლიში" ტრანსფერი დიდად ნამდვილად არ სიამოვნებთ.


    შეგახსენებთ, რომ ხვიჩას ნეაპოლში გადაბარგება უკვე დაადასტურეს როგორც "ნაპოლის" მთავარმა მწვრთნელმა, ასევე პრეზიდენტმა. დიდი ალბათობით, ტრანსფერი ზაფხულის დასაწყისშივე გამოცხადდება, "დინამო ბათუმი" კი 8 მილიონ ევროს მიიღებს.

    Facebook კომენტარები
    მეტი სიახლის ნახვა