ეროვნული ლიგის მე-15 ტურის შეხვედრაში თბილისის "ლოკომოტივმა" შინ თბილისის "დინამო" მიიღო და ანგარიშით 0:2 დამარცხდა.

მატჩი სტუმართა უპირატესობით წარიმართა. პირველი ტაიმის მიწურულს გიორგი მოისწრაფიშვილმა თერთმეტმეტრიანი დარტყმით ანგარიში გახსნა.

მატჩის 65-ე წუთზე კი ანრი მექვაბიშვილმა ბრწყინვალე შორეული გასროლით მატჩის საბოლოო ანგარიში დააფიქსირა.

15 ტურის შემდეგ თბილისის "დინამო" ეროვნულ ლიგაში მე-2 ადგილზე იმყოფება, "ლოკომოტივი" კი ბოლო ადგილს იკავებს.

კახა ცხადაძის გუნდი მომდევნო შეხვედრას "თელავის" წინააღმდეგ ჩაატარებს, თბილისის "ლოკომოტივი" კი გორის "დილას" ესტუმრება.