• 17-06-2022
    ფაქტობრივად გადაწყდა - რას უპირებს "გენტი" ჩაკვეტაძეს
    ფაქტობრივად გადაწყდა - რას უპირებს "გენტი" ჩაკვეტაძეს
    ავტორი
    Aa

    გიორგი ჩაკვეტაძემ გასული სეზონის მეორე ნახევარი იჯარის წესით "ჰამბურში" გაატარა, თუმცა გერმანულმა კლუბმა ქართველი გარემარბის გამოსყიდვა არ ისურვა. 


    ჩაკვეტაძე "გენტში" დაბრუნდა, მაგრამ, ფაქტობრივად, გადაწყვეტილია, რომ გიორგი ბელგიურ გუნდში არ დარჩება. მართალია, მას კონტრაქტის მიხედვით 1 სეზონი კიდევ დარჩა, თუმცა ჩაკვეტაძე წასვლას გეგმავს.


    ბელგიური მედია იტყობინება, რომ "გენტმა" მის თაობაზე გადაწყვეტილება უკვე მიიღო. როგორც ირკვევა, გიორგის 1 წლით კვლავ იჯარის წესით გაასხვისებენ.


    აღსანიშნავია, რომ ჩაკვეტაძეს გადაბირების ერთ-ერთი მთავარი კანდიდატი თბილისის "დინამოა", ქართველი ფეხბურთელი და თბილისური გუნდის წარმომადგენლები ერთმანეთს უკვე შეხვდნენ. 

    Facebook კომენტარები