ესპანეთში არაერთი ნიჭიერი ქართველები მოთამაშეები, გიორგი მამარდაშვილი, გიორგი ქოჩორაშვილი, გიორგი გაგუა და სხვები ასპარეზობენ.

Footballnews.ge დღეს ნიჭიერი ქართველი მოთამაშის, საბა კოპალეიშვილის შესახებ გიამბობთ.

საბა პოზიციით ცენტრალური თავდამსხმელი გახლავთ და თავისთავად გოლის გატანის კარგი ალღოც გააჩნია. 

ახალგაზრდა მოთამაშის კარიერის მიზანი ერთ-ერთ საუკეთესო თავდამსხმელად ჩამოყალიბება გახლავთ.

Footballnews.ge 18 წლის ფეხბურთელს ესპანეთში დაუკავშირდა და მასთან მცირე ინტერვიუ ჩაწერა:

– როგორ გრძნობ თავს და როგორ ფორმაში იმყოფები?

– ახლა თავს კარგად ვგრძნობ გუნდს ნელ-ნელა ვეჩვევი და სასურველ ფორმას ვუბრუნდები, რაზეც ახლა გუნდთან ერთად ვმუშაობ და მინდა ამ წელს იმაზე მეტი გოლი გავიტანო რაც წინა სეზონზე.

– Orihuela CF-ში ტრანსფერს როგორ შეაფასებ?

– ვფიქრობ ესპანური კარიერის და ხალხისთვის თავის გასაცნობად ნორმალური გადაწყვეტილება იყო.

– გუნდში როგორი სიტუაციაა, როგორ ურთიერთობაში ხარ თანაგუნდელებთან?

– გუნდში ახლა ძალიან კარგი სიტუაციაა, ვემზადებით მომავალი სეზონისთვის, ვიცით რომ რთული თამაშები შეგხვდა თავიდანვე და პოზიტურად და შრომით მივიწევთ წინ. რაც შეეხება ბიჭებს, ყველასთან კარგი ურთიერთობა მაქვს, არ არის გამონაკლისები.

– მთავარ მწვრთნელს როგორ დაახასიათებდი?

– მთავარ მწვრთნელს დადებითად დავახასიათებდი, ის თავისი საქმის პროფესიონალია და თავის მაქსიმუმს აკეთებს რომ სასურველ შედეგს მიაღწიოს.მასთან შესანიშნავი ურთიერთობა მაქვს იმის და მიუხედავად რომ სრულად არ ვფლობ ესპანურ ენას.

– გქონდა თუ არა ენის პრობლემა?

– რომ ჩამოვედი პრობლემა თავისთავად მქონდა, ძირითადად ინგლისურად მიწევდა საუბარი მწვრთნელებთან და ფეხბურთელებთან.

– მოგვიყევი შენი გუნდის შესახებ, რა გეგმები აქვს Orihuela CF-ს? 

– ვფიქრობ არჩევანი სწორ გუნდზე გავაკეთე. ჩვენი მიზანია თავი დავიმკვიდროთ სატურნირო ცხრილში და პრიმერა დივიზიონში გადავიდეთ.

– საქართველოს ფეხბურთის ფედერაციიდან ასაკობრივ ნაკრებში თამაშზე რაიმე შეთავაზება ხომ არ გქონია?

– საქართველოს ასაკობრივ ნაკრებს რაც შეეხება მათგან არ ყოფილა არანაირი კონტაქტი, იმისდა მიუხრდავად რომ ერთ-ერთი საუკეთესო სეზონი ჩავატარე ჩემს ახალგაზრდულ კარიერაში, მაგრამ იმედი მაინც მაქვს და ისევ ვაგრძელებ რასაც აქამდე ვაკეთებდი.

– სად და როდის დაიწყე ფეხბურთის თამაში?

– ფეხბურთის თამაში 6 წლიდან ავაზაში დავიწყე,შემდეგ თბილისის ლოკომოტივში გავატარე 5 წელი შემდეგ დინამო აკადემიაში და დინამო აკადემიიდან ესპანეთში.

– ქართველ გულშემატკივრებს რომ გააცნო რომელ პოზიციაზე ასპარეზობ?

– ჩემი ძირითადი პოზიცია ცენტრალური თავდამსხმელია,მაგრამ მაქვს ფლანგებზე თამაშის გამოცდილებაც.

– ესპანეთში არაერთი ქართველი ფეხბურთელი ასპარეზობს, მათთან კომუნიკაცია თუ გაქვს?

– ესპანეთში ქართველ ფეხბურთელებთან არ მაქვს კომუნიკაცია სამწუხაროდ.

– ვინ არის შენი მოტივაცია?

– ჩემი მოტივაცია ჩემი ოჯახი და მეგობრებია,მინდა მათთვის ყველაფერი გავაკეთო.

– ვის მიიჩნევ შენ პოზიციაზე საუკეთესო მოთამაშედ?

– ჩემს პოზიციაზე უამრავი კარგი მოთამაშეა, რთულია ერთი ფეხბურთელის გამოყოფა, მაგრამ ამჯერად ჰალანდს ვიტყვი.

– რა არის შენი კარიერის მიზანი?

– ჩემი კარიერის მიზანია ერთ-ერთი საუკეთესო თავდამსხმელი ვიყო დიდ ფეხბურთში.