• 21-06-2022
    ბოლნისის “სიონმა” “ლოკომოტივი” გაანადგურა
    ბოლნისის “სიონმა” “ლოკომოტივი” გაანადგურა

    ეროვნული ლიგის მე-18 ტურის შეხვედრაში ბოლნისის "სიონმა" შინ თბილისის "ლოკომოტივი" მიიღო და გამანადგურებელი ანგარიშით 5:1 დაამარცხა.


    მატჩის მე-16 წუთზე ანგარიში ირაკლი ჭიაბრიშვილის ავტო-გოლით გაიხსნა. შეხვედრის მე-19 წუთზე ივან ფოცხვერიამ სხვაობა ორამდე გაზარდა. მალევე გიორგი ომარაშვილმა სხვაობა შეამცირა.


    მატჩის 53-ე წუთზე ლუკა ხორხელმა ბოლნისელთა უპირატესობა გაზარდა, შეხვედრის 55-ე წუთზე ნიკა ხორხელმა სეზონის მე-7 გოლი გაიტანა. მატჩის მიწურულს კი ნიკა გამბარაშვილმა საბოლოო წერტილი დასვა.


    უჩა სოსიაშვილის გუნდი ეროვნულ ლიგაში მე-8 პოზიციას იკავებს, "ლოკომოტივი" კი ბოლო ადგილზე იმყოფება.


    ცნობისთვის, ბოლნისის "სიონი" მომდევნო შეხვედრას ბათუმის "დინამოს" წინააღმდეგ ჩაატრებს, ალექსანდრე ინწკირველის გუნდი კი "თელავს" დაუპირისპირდება.


    Facebook კომენტარები
    მეტი სიახლის ნახვა