• 22-06-2022
    ქეცბაიას ნაკრების ჩაბარება შესთავაზეს - თემურს მორიგი შეთავაზება აქვს
    ქეცბაიას ნაკრების ჩაბარება შესთავაზეს - თემურს მორიგი შეთავაზება აქვს

    როგორც მოგეხსენებათ, რამდენიმე დღის წინ დადასტურდა, რომ თემურ ქეცბაია ფამაგუსტას "ანორთოსისის" მთავარი მწვრთნელი აღარ იქნება.


    54 წლის სპეციალისტი უსამსახუროდ დარჩა, თუმცა ასე დიდხანს არ გაგრძელდება. goal.philenews-ის ინფორმაციით, ქეცბაიას კვიპროსის ეროვნული გუნდის თავკაცობა შესთავაზეს. 


    წყაროს თანახმად, კუნძულელთა გაწვრთნის კანდიდატებს შორის, აღნიშნულ თანამდებობაზე დანიშვნის ყველაზე დიდი შანსი სწორედ ქართველს აქვს.


    მხარეთა შორის კონტაქტი უკვე შემდგარია. ქეცბაიამ კვიპროსის ფეხბურთის ფედერაციას განუცხადა, რომ ცოტას დაისვენებს და გადაწყვეტილებას ამის შემდეგ შეატყობინებს.


    "ანორთოსისის" დატოვების შემდეგ თემური ბაქოს "ნეფთჩის" დაუკავშირეს, თუმცა კლუბის ხელმძღვანელობამ მისი წაყენებული მოთხოვნების დაკმაყოფილება არ ისურვა, რამაც თანამშრომლობის გაგრძელება შეუძლებელი გახადა.


    შეგახსენებთ, რომ ქეცბაიას ნაკრებში მუშაობის გამოცდილება აქვს - 2009-2014 წლებში ის საქართველოს ნაკრებს ხელმძღვანელობდა.

    Facebook კომენტარები