• 22-06-2022
    სად წავა ზივზივაძე - აგენტის განცხადება
    სად წავა ზივზივაძე - აგენტის განცხადება
    ავტორი
    Aa

    ბუდუ ზივზივაძემ უნგრეთის ჩემპიონატში საკმაოდ დამაჯერებელი სეზონი შემოგვთავაზა, ახლა კი, მისი მომავალი, ჯერჯერობით, გაურკვეველია. უცხოური მედია იტყობინება, რომ ქართველი ფორვარდის გადაბირება უნგრეთის უფრო მაღალი ეშელონისა და პოლონეთის გუნდებს სურთ.


    ზივზივაძის აგენტმა, ლაშა ოდილაძემ, ფეხბურთელის მომავლის თაობაზე უნგრულ მედიასთან ისაუბრა:


    "ბუდუს "ფეჰერვართან" კონტრაქტი კიდევ 1 წლით აკავშირებს, შესაბამისად, ამ ეტაპზე გუნდთან ერთადაა და მომდევნო სეზონში კონფერენს ლიგის საკვალიფიკაციო ეტაპზე სათამაშოდ ემზადება.


    დიახ, მართალია, რომ რამდენიმე უცხოური გუნდიდან არის ინტერესი, თუმცა ზივზივაძე ახლაც კომფორტულად გრძნობს თავს.


    "ფეჰერვარმა" მას კონკრეტული ფასი დაადო - იმ შემთხვევაში, თუ ვინმე გუნდის მოთხოვნებს დააკმაყოფილებს, უნგრელები მზად არიან, ბუდუს შეელიონ. ამავდროულად, სულაც არაა გამორიცხული, რომ ბუდუმ "ფეჰერვართან" კონტრაქტის გახანგრძლივება გადაწყვიტოს.


    ვთვლი, რომ უნგრეთის ჩემპიონატში ზივზივაძესთვის "ფეჰერვარი" საუკეთესო გუნდია", - განაცხადა მან.

    Facebook კომენტარები