შვეიცარიის ქალაქ ნიონში დღეს ჩემპიონთა ლიგის 2023/2024 წლების სეზონის ჯგუფური ეტაპის წილისყრა გაიმართა და 32 გუნდი 8 ჯგუფში გადანაწილდა.
წილისყრით ყველაზე კმაყოფილები "მანჩესტერ სიტი" და "ბარსელონა" უნდა იყვნენ - ფავორიტთაგან ყველაზე "სუსტ" ჯგუფში სწორედ ისინი მოხვდნენ. მივიღეთ ერთი სიკვდილის ჯგუფიც, "პსჟ-ს", "დორტმუნდის", "მილანისა" და "ნიუკასლის" მონაწილეობით.
რაც შეეხება ქართველებს, ხვიჩა კვარაცხელიას "ნაპოლი" C ჯგუფშია, დავით ხოჭოლავას "კოპენჰაგენი" A ჯგუფში იასპარეზებს, ხოლო გიორგი გოჩოლეიშვილისა და ირაკლი აზაროვის "შახტარი" ძალებს H ჯგუფში გამოცდის.
გუნდები შემდეგნაირად გადანაწილდნენ:
ჯგუფი A: ბაიერნი, მანჩესტერ იუნაიტედი, კოპენჰაგენი, გალათასარაი
ჯგუფი B: სევილია, არსენალი, პსვ ეინდჰოვენი, ლანსი
ჯგუფი C: ნაპოლი, რეალი, ბრაგა, უნიონ ბერლინი
ჯგუფი D: ბენფიკა, ინტერ მილანი, ზალცბურგი, რეალ სოსიედადი
ჯგუფი E: ფეინოორდი, ატლეტიკო, ლაციო, სელტიკი
ჯგუფი F: პსჟ, ბორუსია დორტმუნდი, მილანი, ნიუკასლი
ჯგუფი G: მანჩესტერ სიტი, ლაიფციგი, ცრვენა ზვეზდა, იანგ ბოიზი
ჯგუფი H: ბარსელონა, პორტუ, შახტარი, ანტვერპენი
პირველი ტურის მატჩები 19 და 20 სექტემბერს ჩატარდება.