როგორც მოგეხსენებათ, "ბარსელონას" 20 წლის თავდამსხმელის, ანსუ ფატის "ბრაიტონში" განათხოვრება თითქმის გადაწყვეტილია.
ანსუ დღეს ლონდონში ჩაფრინდება და სამედიცინო შემოწმებასაც გაივლის. "თოლიები" ესპანელ ფორვარდს ერთწლიანი იჯარით იმატებენ - ხელფასის უმეტეს ნაწილს პრემიერლიგური კლუბი დაფარავს, მაგრამ ფატის გამოსყიდვის უფლებას ვერ მიიღებს.
ანსუმანეს "ბრაიტონში" გადაბარგება იმას ნიშნავს, რომ "ბარსაში" 10-ნომრიანი მაისური ვაკანტური ხდება.
SPORT-მა გულშემატკივრებს ჰკითხა, თუ ვის უნდა ჩააბარონ კატალონიელებმა 10 ნომერი. გამოკითხვის შედეგები ასეთია:
31% - ლამინე იამალი
27% - პედრი
14% - ჟოაუ ფელიქსი
13% - ფრენკი დე იონგი
9% - ილქაი გიუნდოგანი
3% - სერხი რობერტო
2% - რაფინია
1% - ფერან ტორესი
როგორც ხედავთ, ფანებს სურთ, რომ გუნდის ახალი ათიანი ლამინე იამალი გახდეს, მაგრამ ნაკლებსავარაუდოა, კლუბმა ასეთი პასუხისმგებლობა 16 წლის ბიჭს დააკისროს.