UFC-ის სუპერმსუბუქი წონის #2 კანდიდატმა, მერაბ დვალიშვილმა თავისი საჩემპიონო შანსების შესახებ ისაუბრა:

“ვერ ვხვდები, რა არის ამაში პრობლემა. ალჯამეინ სტერლინგი ჩემი უახლოესი მეგობარი და თანაგუნდელია. უკვე წლებია ერთად ვვარჯიშობთ და ერთმანეთს ვგულშემატკივრობთ. რატომ უნდა ვიბრძოლოთ ერთამენთის წინააღმდეგ? სხვა უამრავი მეტოქე იყო, ვისთანაც ჩხუბი შეგვეძლო, ხოლო როდესაც ალჯო ჩემპიონი გახდა, მე ვიყავი N1 კანდიდატი, მაგრამ ჩვენ ერთმანეთთან მაინც არ ვიჩხუბეთ. მოგვიანებით ალჯომ წონის შეცვლაც დააპირა. ვცდილობდით ერთმანეთს ავრიდებოდით. 

ჩემი და შონ ო'მალის დაპირისპირება მარკეტინგულად იდეალური იქნებოდა. არსებობს უამრავი მიზეზი, რაც ამ ბრძოლას საინტერესოს გახდის. მე, როგორც ალჯამეინ სტერლინგის მეგობარი შურისძიებას ვეცდები. მე მოვპარე ო’მალის ქურთუკი მათი პირველი დუელის დროს. შონს ოქტაგონზე 2018 წლიდან მოყოლებული ვიწვევ. ასე რომ, UFC ვალდებულია, ან ალჯოს რევანში დაგეგმოს, ან ჩემი ჩხუბი ო’მალისთან.

ო’მალი კი ცდილობს, მარლონ ვერასთან ბრძოლა მიიღოს, მაგრამ ვინ არის ჩიტო? ეს ბიჭი რეიტინგში მეექვსე  პოზიციაზეა და ჩემპიონთან შეხვედრას არ იმსახურებს. 

შონი ჩემთან შეხვედრას უნდა განიხილავდეს. რა თქმა უნდა, ადრე მას უწევდა ურეიტინგო მებრძოლებთან დაპირისპირება, თუმცა დღეს ის ჩემპიონი, დივიზიონის ახალი მეფეა და ვალდებულია, შანსი მომცეს. ტიტულის მთავარი პრეტენდენტი მე ვარ. ზედიზედ მოგებული 9 ორთაბრძოლა მაქვს. თუკი შონს სურს, დაიმსახუროს პატივისცემა. ან მე უნდა მეჩხუბოს, ან რევანშის შანსი მისცეს ალჯოს”. - განაცხადა დვალიშვილმა.