• 02-09-2023
    "მე დავბრუნდი!" - ჰოლანდმა კიდევ ერთი რეკორდი დაამყარა
    "მე დავბრუნდი!" - ჰოლანდმა კიდევ ერთი რეკორდი დაამყარა

    ერლინგ ჰოლანდმა ინგლისის პრემიერ ლიგაში კიდევ ერთი რეკორდი დაამყარა.

    "მანჩესტერ სიტიმ" დღეს ლონდონური "ფულემი" გააცამტვერა, ანგარიშით 5:1. ნორვეგიელმა ცენტრფორვარდმა თავი ჰეთ-თრიქით გამოიჩინა და ამას ხულიან ალვარესზე გაკეთებული ასისტიც დაუმატა.

    ერლინგს პრემიერ ლიგაში უკვე 51 გოლში (42 გოლი, 9 საგოლე გადაცემა) აქვს პირდაპირი მონაწილეობა. "სიტის" ცხრიანს 50-იან ნიშნულზე ასასვლელად სულ 39 მატჩი დასჭირდა, რაც ისტორიაში საუკეთესო შედეგია.

    22 წლის ვარსკვლავმა "მანჩესტერ იუნაიტედის" ლეგენდის, ენდი კოულის მაჩვენებელი გააუმჯობესა. იგი 44 მატჩს შეადგენდა.

    "არ ინერვიულოთ, მე დავბრუნდი! (ჰოლანდს "ეტიჰადზე" ზედიზედ 4 უგოოლო მატჩი ჰქონდა)

    სეზონს ფენომენალურად ვიწყებთ და ჩვენ მხოლოდ გავუმჯობესდებით. ახალი სეზონისთვის მზად ვარ," - თქვა ერლინგმა.

    აქვე შეგახსენებთ, რომ პეპ გვარდიოლას გუნდს 4 ტურში 4 გამარჯვება აქვს მოპოვებული და სატურნირო ცხრილს ერთპიროვნულად ლიდერობს.

    Facebook კომენტარები