ეროვნული ლიგის მე-20 ტურის შეხვედრაში ქუთაისის "ტორპედომ" შინ გორის "დილა" მიიღო და ანგარიშით 1:4 იმარჯვა.

მატჩის მე-18 წუთზე ბრწყინვალე შორეული გასროლით გიორგი არაბიძემ ანგარიში გახსნა, შეხვედრის 63-ე წუთზე თორნიკე ახვლედიანმა სხვაობა ორამდე გაზარდა.

მალევე 22 წლის ფეხბურთელმა კვლავ იჩინა თავი. შეხვედრის 78-ე წუთზე ჰაჯი დრამემ სხვაობა შეამცირა.

მსაჯის მიერ დამატებულ მე-3 წუთზე კი თორნიკე ახვლედიანმა ჰეთ-თრიქი შეასრულა და მატჩს საბოლოო წერტილი დაუსვა.

კახა ჩხეტიანის გუნდი ეროვნულ ლიგაში მე-7 პოზიციას იკავებს, გორის "დილა" კი მე-3 ადგილზე იმყოფება.

ქუთაისის "ტორპედო" მომდევნო შეხვედრას თბილისის "საბურთალოს" წინააღმდეგ ჩაატარებს, ანდრეი დემჩენკოს გუნდი კი კონფერენს ლიგის საკვალიფიკაციო ეტაპის მატჩში "კუპსს" დაუპირისპირდება.