• 30-06-2022
    მამარდაშვილი: "გატუზომ დამირეკა და მითხრა, რომ..."
    მამარდაშვილი: "გატუზომ დამირეკა და მითხრა, რომ..."

    საქართველოს ნაკრებისა და "ვალენსიას" 21 წლის კრის დარაჯი, გიორგი მამარდაშვილი გუშინ გადაცემა "ტაიმაუტში" იყო მიწვეული.


    ახალგაზრდა ფეხბურთელმა ბევრ საინტერესო თემაზე ისაუბრა:


    "ვალენსიაში წასვლა სარისკო იყო, მაგრამ ოჯახთან და მენეჯერთან ლაპარაკის შემდეგ წასვლა გადავწყვიტე, რადგან ეს თუ არ გამოვიდოდა, 6 თვეში სხვა გუნდი გამოჩნდებოდა და წავიდოდი. მაგრამ ვთამაშობ და ახლა ბედნიერი ვარ.


    სილესენი და იუსუფ მუსა იყვნენ ის მოთამაშეები, რომლებიც ადაპტაციაში მეხმარებოდნენ. თავიდან კი ენა არ ვიცოდი. თავიდან მთავარ მეკარედ თავს არ ვგრძნობდი, რადგან სხვა მეკარეები ტრავმირებულები იყვნენ, მაგრამ "რეალ სოსიედადთან"

    მატჩის შემდეგ თავი დავიმკვიდრე.


    თავიდან ვფიქრობდი, რომ სილესენის გვერდით ვარჯიში დიდი სიამოვნება იქნებოდა. მართლაც ასე იყო – მაღალ დონეზე უთამაშია, ძალიან დიდი გამოცდილება აქვს და მისგან მართლა ბევრი ვისწავლე და ძალიან დამეხმარა. ვიცოდი, კონკურენცია რთული იქნებოდა, მაგრამ დავამტკიცე, რომ შემიძლია თამაში.


    გატუზოს ტელეფონით ვესაუბრე. მითხრა, რომ პირველ მეკარედ განმიხილავს, თუმცა წინ დიდი სამუშაო და რთული სეზონი გველის" - განაცხადა 21 წლის ქართველმა მეკარემ.


    შეგახსენებთ, რომ გიორგი მამარდაშვილი უახლოეს მომავალში ესპანეთში გაფრინდება და "ვალენსიასთან" ერთად ახალი სეზონისთვის მზადებას დაიწყებს.


    მომზადებულია 1TV-ს მიხედვით.

    Facebook კომენტარები