დავით სამურკასოვმა და რევაზ თევდორაძემ თბილისის "ლოკომოტივი" დატოვეს. ინფორმაციას დედაქალაქური გუნდი სოციალურ ქსელში ავრცელებს.

გავრცელებული ცნობებით, ახალგაზრდა ნახევარმცველი კარიერას საბერძნეთში, კერძოდ "ეპისკოპში" გააგრძელებს. ვეტერანი მეკარის მომავალი გუნდი კი უცნობია.

ცნობისთვის, კახა სამურკასოვი სწორედ "ლოკომოტივის" აღზრდილია და ამ გუნდის მაისურით ჩატარებულ 144 შეხვედრაში 3 გოლი გაიტანა და 12 საგოლე გადაცემა შეასრულა.

ცნობისთვის, თბილისური გუნდი ორივე ფეხბურთელს მადლობას უხდის გაწეული შრომისთვის და მომავალში წარმატებებს უსურვებს.