• 03-07-2022
    მამარდაშვილი: "როცა გატუზო მწვრთნელად დაინიშნა, დამირეკა და ამაზე ვისაუბრეთ"
    მამარდაშვილი: "როცა გატუზო მწვრთნელად დაინიშნა, დამირეკა და ამაზე ვისაუბრეთ"
    ავტორი
    Aa

    გიორგი მამარდაშვილმა გასულ სეზონში კარიერის საუკეთესო პერფორმანსები შემოგვთავაზა და "ვალენსიას" სასტარტო შემადგენლობაში შეძლო თავის დამკვიდრება. 


    ესპანურ Marca-სთან საუბრისას, ქართველმა კარის დარაჯმა მომდევნო სეზონის მიზნებზე ისაუბრა:


    "თავს შესანიშნავად ვგრძნობ. მინდა, რომ ახალი სეზონი იმაზე ორჯერ უკეთესი იყოს, ვიდრე წინა წელი და ამისთვის ყველაფერს ვაკეთებ. "ვალენსიაში" წინა წლის გამოცდილება ძალიან დამეხმარა.


    ესპანეთის ჩემპიონატში თამაში ძალიან ემოციური მომენტი იყო. მინდა, რომ ახალ სეზონში "ღამურებთან" ერთად რაც შეიძლება ბევრი მატჩი ჩავატარო სასტარტო შემადგენლობიდან და ევროტურნირების საგზური მოვიპოვო.


    საქართველოდან ლა ლიგაში გადმოსვლა ძალიან დიდი შრომის, თუმცა, ამავდროულად, იღბალის შედეგია. გარკვეული ხანი სათადარიგო სკამზეც ვიჯექი, მაგრამ დასაბრუნებლად ბევრი ვიმუშავე.


    როცა გატუზო მთავარ მწვრთნელად დაინიშნა, დამირეკა და მომავალ სეზონზე ვისაუბრეთ. მისმა ზარმა ძალიან გამახარა", - განაცხადა გიორგიმ.

    Facebook კომენტარები