25 წლის ნახევარმცველმა, გიორგი ვეკუამ ურთიერთშეთანხმების საფუძველზე "გაგრა" დატოვა. ინფორმაციას ქართული გუნდი სოციალურ ქსელში ავრცელებს.

გიორგი "გაგრას" შემადგენლობაში 2020 წელს ჩაირიცხა და მას შემდეგ ამ გუნდის მაისურით ჩატარებულ 39 შეხვედრაში 5 გოლი გაიტანა და 7 საგოლე გადაცემა შეასრულა.

საგულისხმოა, რომ ახალგაზრდა ფეხბურთელს "ვიტ ჯორჯიაში" თამაშის გამოცდილებაც აქვს.

ცნობისთვის, "გაგრა" გიორგი ვეკუას გაწეული შრომისთვის მადლობას უხდის და მომავალში წარმატებებს უსურვებს.