გუშინ ღამით გავრცელდა ინფორმაცია, რომ "ბარსელონას" ნახევარმცველმა, პაბლო გავიმ ესპანეთის ნაკრების შეკრებაზე ტრავმა მიიღო. მსგავს შემთხვევას მართლაც ჰქონდა ადგილი, თუმცა, როგორც აღმოჩნდა, "ლურჯ-ბროწეულისფერთა" ქომაგებს ნერვიულობის საფუძველი არ აქვთ.

ჟურნალისტ ადრია ალბეტსის ცნობით, პაბლომ ვარჯიშზე მიიღო დარტყმა, რომელმაც მცირე დისკომფორტი გამოიწვია, მაგრამ 19 წლის შუახაზელი ახლა თავს კარგად გრძნობს.

გავის გარემოცვაში ამბობენ, რომ "ბლაუგრანას" ვარსკვლავი ტრავმირებული არ არის.

ახლა გასარკვევი ისაა, ათამაშებს თუ არა "ფურია როხას" თავკაცი, ლუის დე ლა ფუენტე პაბლოს შოტლანდიის ეროვნულ გუნდთან გასამართ მატჩში, თუ დასვენების საშუალებას მისცემს.

ცნობისთვის, ესპანელები და შოტლანდიელები ერთმანეთს ხვალ, თბილისის დროით 22:45 საათიდან დაუპირისპირდებიან.