• 29-08-2022
    დავითაშვილის საფრაგეთში გადასვლა გადაწყვეტილია! - ზუკა ბათუმის “დინამოს” დაემშვიდობა
    დავითაშვილის საფრაგეთში გადასვლა გადაწყვეტილია! - ზუკა ბათუმის “დინამოს” დაემშვიდობა
    Aa

    საქართველოს ნაკრების, 21 წლის ნახევარმცველი ზურიკო დავითაშვილი კარიერას ფრანგულ "ბორდოში" გააგრძელებს.


    ახალგაზრდა ფეხბურთელი ბათუმის "დინამოს" დაემშვიდობა:


    "მოგესალმებით. მოვიდა დრო, როცა მიწევს დამშვიდობება ბათუმის დინამოსთან...

    ამ გუნდში ჩემი ცხოვრების ძალიან პატარა პერიოდი გავატარე, თუმცა რამდენიმე თვემ ცხოვრებაში ბევრი დადებითი ემოცია მაჩუქა. ის, რაც ბათუმში ყოფნის პერიოდში ხალხისგან ენერგიად მივიღე, ძალიან დიდხანს გამყვება...

    დიდი მადლობა ბათუმის დინამოს ყველა წევრს, Black Sea Pirates - Dinamo Batumi Fan-Club და ყველა გულშემატკივარს. სამწუხაროდ, ჩვენ ვერ შევძელით ამ ზაფხულში თქვენი გახარება ევროტურნირების მატჩებში, თუმცა დარწმუნებული ვარ, ბათუმის დინამო გააგრძელებს წარმატებით წინსვლას და გაახარებს ქართველ ხალხს" - განაცხადა ზურიკო დავითაშვილმა.


    შეგახსენებთ, რომ ზუკა აჭარულ გუნდს მარტში შეურთდა და მას შემდეგ ჩატარებულ 18 შეხვედრაში 7 გოლი გაიტანა და 3 საგოლე გადაცემა შეასრულა.

    Facebook კომენტარები