• 01-10-2022
    რანიერი: "ხვიჩა გასაოცარი ფეხბურთელია"
    რანიერი: "ხვიჩა გასაოცარი ფეხბურთელია"
    Aa

    იტალიელმა მწვრთნელმა კლაუდიო რანიერიმ გამოცემა Corriere dello Sport-ს ვრცელი ინტერვიუ მისცა. ერთ-ერთი საკითხი, რაზეც გამოცდილმა სპეციალისტმა ისაუბრა, იტალიური "ნაპოლი" და მისი ქართველი ვარსკვლავი, ხვიჩა კვარაცხელია გახლდათ.


    როგორც 70 წლის მწვრთნელი ირწმუნება, ხვიჩა საოცარი ფეხბურთელია და რისკის ზღვარზე იმიტომ თამაშობს, რომ ამის საშუალებას საკუთარი უნარები აძლევს.


    "ხვიჩა გასაოცარი მოთამაშეა. ფლანგიდან ის ბრწყინვალე გარღვევებს გვთავაზობს ხოლმე. ქართველს აქვს საიმისო მონაცემები, რომ ითამაშოს რისკიანად, თუმცა ეფექტურად", - ბრძანა რანიერიმ.


    შეგახსენებთ, რომ 21 წლის გარემარბმა დღეს "ტორინოს" კარი აიღო. იტალიის სერია ა-ს მიმდინარე სეზონში კვარაცხელიას მონაგარი 5 გოლი და 1 ასისტია.

    Facebook კომენტარები