ეროვნული ლიგის 30-ე ტურის შეხვედრაში ბათუმის "დინამომ" შინ გორის "დილა" მიიღო და ანგარიშით 3:2 იმარჯვა.

ანგარიში მამუკა კობახიძემ გახსნა, მალევე მილან რადინმა სხვაობა 2-მდე გაზარდა, ტაიმის მიწურულს ჯოვინო ფლამარიონმა ბათუმელთა უპირატესობა კოლოსარული გახადა.

მე-2 ტაიმში თორნიკე კაპანაძემ დუბლი შეასრულა, თუმცა გორულმა გუნდმა ქულის მოპოვება მაინც ვერ მოახერხა.

გია გეგუჩაძის გუნდი ეროვნულ ლიგაში მე-2 ადგილზე იმყოფება, გორის "დილა" კი მე-4 პოზიციას იკავებს.

ცნობისთვის, ბათუმის "დინამო" მომდევნო შეხვედრას "საბურთალოს" წინააღმდეგ ჩაატარებს, ანდრეი დემჩენკოს გუნდი კი თბილისის "დინამოს" დაუპირისპირდება.