• 31-03-2022
    ოფიციალურად: "სამგურალმა" "ზენიტის" ფეხბურთელი გაიფორმა
    ოფიციალურად: "სამგურალმა" "ზენიტის" ფეხბურთელი გაიფორმა
    ავტორი
    Aa

    წყალტუბოს "სამგურალმა" "ზენიტის" ასაკობრივი გუნდის ფეხბურთელი, გიორგი ჭელიძე დაიმატა.


    წყალტუბოს “სამგურალმა” 22 წლის შემტევი ნახევარმცველი გიორგი ჭელიძე დაიმატა. ჩვენი გუნდის ახალწვეული ბოლოს სანკტ პეტერბურგის “ზენიტის” 21 წლამდე გუნდში თამაშობდა. “სამგურალში” კი თავისუფალი აგენტის სტატუსით გადმოვიდა.


    კლუბსა და ფეხბურთელს შორის ხელშეკრულება დღეს გაფორმდა. “სამგურალის” სპორტულმა დირექტორმა ბესიკ ხაჭიპერაძემ მას სიმბოლურად კლუბის მაისური გადასცა და წარმატებები უსურვა. გიორგი ჭელიძე “სამგურალში” 30 ნომრიანი მაისურით ითამაშებს.


    საფეხბურთო კარიერის საწყის ეტაპზე ჭელიძე მოსკოვის ,,დინამოს” აკადემიაში თამაშობდა. 2017 წელს დააწინაურეს “დინამოს” დუბლებში, საიდანაც ბელგიურ ,,ტუბიცეში” გადავიდა. 2019–2020 წლებში თამაშობდა ერევნის “არარატში”. 2020–2021 წლების სეზონში კი “ზენიტი” 2–ში ასპარეზობდა.


    გიორგი ჭელიძეს რუსეთის თითქმის ყველა ასაკობრივ ნაკრებში აქვს ნათამაშები. იყო რუსეთის 16, 17 ,18, 19 და 20 წლამდე ნაკრებების წევრი”, – წერია “სამგურალის” ოფიციალურ განცხადებაში.

    Facebook კომენტარები