ხვიჩა კვარაცხელიას გარეშე დარჩენილმა "ნაპოლიმ" სერია ა-ს მე-15 ტურის შეხვედრაში შინ "უდინეზე" მიიღო და ანგარიშით 3:2 იმარჯვა.

აღნიშნული მატჩი ნეაპოლელთათვის ისტორიული გამოდგა. ლუჩიანო სპალეტიმ სერია ა-ს საწყის 15 შეხვედრაში 13 გამარჯვების მოპოვება მოახერხა, რაც რეკორდის გამეორებას გულისხმობს.

აქამდე მსგავსი შედეგი, მხოლოდ ტურინის "იუვენტუსს" ჰქონდა დაფიქსირებული.

"ბიანკონერიმ" მსგავსი შედეგის დაფიქსირება ოთხჯერ: 1949/50, 2005/2006, 2013/2014, 2018/2019 წლებში მოახერხა.

ცნობისთვის, "ნაპოლი" 15 ტურის შემდეგ სერია ა-ს დამაჯერებლად ლიდერობს და მე-2 ადგილოსან "ლაციოს" 11 ქულით უსწრებს, თუმცა რომაელებს ერთი შეხვედრა ჩასატარებელი აქვთ.