• 02-04-2022
    ხვიჩასა და "ნაპოლის" კონტრაქტის დეტალები ცნობილია
    ხვიჩასა და "ნაპოლის" კონტრაქტის დეტალები ცნობილია

    როგორც მოგეხსენებათ, ბოლო დღეებში გავრცელებულმა ცნობებმა ცხადყო, რომ ქართველი გარემარბი ხვიჩა კვარაცხელია ზაფხულში იტალიურ "ნაპოლის" შეუერთდება.


    ტრანსფერისადმი ჩვენ რწმენას ამყარებს ცნობილი იტალიელი ჟურნალისტი, ალფრედო პედულა, რომელმაც დღეს კვარასა და "პარტენოპეის" შორის გაფორმებული კონტრაქტის დეტალები გაგვიმხილა.


    წყაროს თანახმად, ხვიჩა და "ნაპოლი" საბოლოოდ შეთანხმდნენ და კონტრაქტი ივნისში გაფორმდება.


    ვიცით ისიც, რომ "ლურჯები" 21 წლის შემტევში 10 მილიონ ევროს გადაიხდიან.


    ხელშეკრულების ხანგრძლივობად 5 წელი განისაზღვრება. კვარაცხელია წლიურად მილიონ ევროს მიიღებს და გათვალისწინებული იქნება ბონუსებიც.


    ცნობისთვის, სეზონის ბოლომდე ხვიჩა ბათუმის "დინამოში" ითამაშებს. მისი აჭარული დებიუტი დღეს "თელავის" წინააღმდეგ შედგება. შეხვედრას "აჭარაბეთ არენა" უმასპინძლებს და ის 20:30 საათზე დაიწყება.

    Facebook კომენტარები