• 15-11-2022
    ua-football-: გოჩოლეიშვილმა "შახტართან" კონტრაქტი გააფორმა
    ua-football-: გოჩოლეიშვილმა "შახტართან" კონტრაქტი გააფორმა
    Aa

    "საბურთალოს" მარჯვენა მცველმა, გიორგი გოჩოლეიშვილმა დონეცკის "შახტართან" მოაწერა კონტრაქტს ხელი, - იუწყება ua-football-ი ჟურნალისტ იგორ ციგანიკის ინფორაციის მიხედვით.


    "მაღაროელები" 20 წლის ქართველს განაცხადში სეზონის საგაზაფხულო ნაწილის დაწყებამდე შეიყვანენ.


    თუ ციგანიკს დავუჯერებთ, გასულ ზაფხულს გოჩოლეიშვილის ხელში ჩაგდებას "დნიპრო 1" ცდილობდა, თუმცა მათ არაფერი გამოუვიდათ, ბრძოლაში გამარჯვებული კი "შახტარი" დარჩა.


    შეგახსენებთ, რომ Transfermarkt.com-ი გიორგის 600 ათას ევროდ აფასებს. იგი ამჟამად საქართველოს ნაკრებთან ერთად ემყოფება და "ჯვაროსნების" რიგებში სადებიუტო მატჩის ჩასატარებლად ემზადება.


    რაც შეეხება "შახტარს", უკრაინის ჩემპიონატში დონბასელები მეორე პოზიციას იკავებენ და პირველადგილოსან "დნიპრო 1-ს" 5 ქულით ჩამორჩებიან. ვთქვათ ისიც, რომ დონეცკურ კლუბს 1 მატჩი თადარიგშიც აქვს.

    Facebook კომენტარები