• 30-11-2022
    მარადონას ვაჟი: "დიეგო რომ ცოცხალი იყოს, ხვიჩა..."
    მარადონას ვაჟი: "დიეგო რომ ცოცხალი იყოს, ხვიჩა..."
    Aa

    ლეგენდარული დიეგო მარადონას ვაჟმა, დიეგო მარადონამ GEO TEAM-ისთვის მიცემულ ინტერვიუში "ნაპოლის" ქართველი გარემარბის, ხვიჩა კვარაცხელიას შესახებ ისაუბრა.


    "სანამ ნაპოლიში გადმოვიდოდა, სპალეტის ვესაუბრე და მითხრა, რომ ძლიერი ფეხბურთელია და მის შეძენას აპირებდნენ. ჩვენგან ინსინიე წავიდა, რომელიც კაპიტანი იყო და უამრავი მატჩი ჰქონდა ჩატარებული, სწორედ ამ დროს გამოჩნდა ხვიჩა, რომელმაც, სიმართლე გითხრათ, ყველა ძალიან გაგვაოცა.


    ვიცოდით, რომ იგი კარგი ფეხბურთელი იყო, მაგრამ პირველივე სეზონში, იტალიის სერია A-ში, გუნდში თამაში, რომელსაც სკუდეტოს მოგება უნდა, რომელიც ჩემპიონთა ლიგაზე ასპარეზობს, ადვილი არაა. ამიტომ, მისგან წინსვლას უფრო პატარა ნაბიჯებით ველოდით, მაგრამ მალევე დაამტკიცა, რომ უძლიერესია. საოცარი თვისებებით გამოირჩევა.


    ხვიჩამ თავისი თამაშით და თვისებებით აჩვენა, რომ მაგარი ფეხბურთელია. ის მოედანზე ლიდერი გახდა, რადგან დაამტკიცა, რომ განსხვავებულია. ამის მოპოვება კი მხოლოდ მოედანზეა შესაძლებელი. ის ტექნიკური და ფიზიკური თვისებებით გამოირჩევა, დაცვაშიც აქტიურია და ნელ-ნელა სრულყოფილ ფეხბურთელად ყალიბდება.


    დიეგო რომ ცოცხალი იყოს, ის ძალიან მოეწონებოდა," - თქვა არგენტინელმა.


    შეგახსენებთ, რომ კვარაცხელია "პარტენოპეიმ" გასულ ზაფხულს, 10 მილიონ ევროდ შეიძინა. "ნაპოლის" მაისურით ჩატარებულ 17 ოფიციალურ მატჩში ხვიჩამ 8 გოლსა და 8 ასისტს მოუყარა თავი.

    Facebook კომენტარები