როგორც მოგეხსენებათ, საქართველოს 21 წლამდელთა ნაკრებმა "დინამო არენაზე" სენსაციური გამარჯვება მოიპოვა და პორტუგალიის ნაკრები 2:0 დაამარცხა.

შეხვედრის შემდეგ მედიასთან კომენტარი მეორე გოლის ავტორმა, საბა საზონოვმა გააკეთა.

"რა თქმა უნდა, ძალიან ბედნიერები ვართ, ვინაიდან ეს მატჩი მოვიგეთ. გოლი გავიტანე და პორტუგალია 2:0 დავამარცხეთ.

"ეს იყო ჩვენი პირველი თამაში ჩემპიონატზე, სახლში, "დინამო არენაზე" და ამიტომ ჩვენთვის მნიშვნელოვანი თამაში იყო.

"ვფიქრობ, ბელგიასთან შეხვედრისთვის მზად ვართ და იმედია, მოვიგებთ.

"ჩვენ ძალიან კარგი გუნდი გვყავს და ერთი ოჯახივით ვართ. 

"მატჩის წინ ყველა იმ შეხვედრაზე საუბრობდა, როდესაც ჩვენ პორტუგალიასთან 4:1 დავმარცხდით. ეს ჩვენთვის ცუდი მომენტი იყო.

"ამ მომენტით ვისიამოვნებთ და შემდეგი დაპირისპირებისთვის მოვემზადებით", - განაცხადა საზონოვმა.