• 06-03-2024
    პროვედელი: "ბაიერნის" მეორე გოლამდე კუთხური არ უნდა დანიშნულიყო"
    პროვედელი: "ბაიერნის" მეორე გოლამდე კუთხური არ უნდა დანიშნულიყო"

    რომის "ლაციოს" გოლკიპერმა, ივან პროვედელმა მიუნხენის "ბაიერნთან" განცდილი მარცხის შესახებ Sport Mediaset-თან ისაუბრა. 

    "სამწუხაროა, რადგან პირველ გოლამდე თამაში თანაბარი იყო. სწორედ ეს გვიტოვებს მწარე შეგრძნებას.

    სამწუხაროა ისიც, რომ მოედანზე 4 მსაჯი იდგა და ვერცერთმა შეამჩნია, რომ კუთხური, რომელსაც "ბაიერნის" მეორე გოლი მოჰყვა, არ უნდა დანიშნულიყო. მიუხედავად ამისა, ასეთ ეპიზოდებს ვერ გამოვეკიდებით და მეტოქეს გამარჯვება უნდა მივულოცოთ.

    როცა ჩემპიონთა ლიგაზე მაღალი დონის გუნდს ეთამაშები, დეტალები მატჩზე გავლენას ახდენენ. იცი, რომ ცოტა საგოლე მომენტი გექნება და ისინი მაქსიმალურად უნდა გამოიყენო. მათგან განსხვავებით, ჩვენ ეს ვერ გავაკეთეთ.

    მეტი გოლის გატანა პირველ მატჩშიც შეგვეძლო," - თქვა პროვედელმა.

    იგორმა ამ სეზონში ჩემპიონთა ლიგის ისტორიის ნაწილად გახდომა მაინც შეძლო, როცა ჯგუფურ ეტაპზე, მადრიდის "ატლეტიკოს" გაუტანა და ეს არა სტანდარტული სიტუაციიდან, არამედ თამაშიდან მოახერხა. იტალიელ მეკარეს ეს გუშინდელი შეხვედრის მერეც გაახსენეს, თუმცა ჟურნალისტმა პასუხად მიიღო, რომ ეს თავის დასამშვიდებლად ვერ გამოდგებოდა.

    ასე და ამგვარად, "ლაციალეს" ოცნება, 2000 წლის შემდეგ პირველად გასულიყო ჩემპიონთა ლიგის მეოთხედფინალში, ოცნებადვე დარჩა. "სტადიო ოლიმპიკოზე" მოგებული 1:0 მიზნის მისაღწევად საკმარისი არ გამოდგა, რადგან მიუნხენელებმა წუხელ მეტოქეს 3 უპასუხო გოლი აგემეს.

    Facebook კომენტარები