ძალიან სანდო ბრიტანელი ჟურნალისტის დევიდ ორნშტეინის ინფორმაციით, ზიდან იქბალი "მანჩესტერ იუნაიტედს" ტოვებს.

ახალგაზრდა მოთამაშე ერთ-ერთ ამომავალ ვარსკვლავად და აკადემიის ლიდერად მიიჩნეოდა, თუმცა კლუბმა მისი გაყიდვა გადაწყვიტა.

იქბალი კარიერას ნიდერლანდებში, კერძოდ კი "უტრეხტში" გააგრძელებს. "მანჩესტერი" მის სანაცვლოდ 1 მილიონ გირვანქას მიიღებს.

20 წლის ნახევარმცველს "მანჩესტერის" ძირითად გუნდშიც უთამაშია. მისი დებიუტი ჩემპიონთა ლიგაზე, "იანგ ბოიზთან" შედგა.

როგორც ცნობილია, "იუნაიტედი" იქბალის მომდევნო გაყიდვიდან დიდ პროცენტს მიიღებს, თუმცა ზუსტი ციფრი უცნობია.