• 24-01-2023
    რა შეფასება მიიღო მამარდაშვილმა "ალმერიასთან" მატჩში
    რა შეფასება მიიღო მამარდაშვილმა "ალმერიასთან" მატჩში
    Aa

    ლა ლიგის მე-18 ტურის უკანასკნელ მატჩში "ვალენსიამ" "ალმერიას" უმასპინლა და ქულები კიდევ ერთხელ დაკარგა. ჯასტინ კლუივერტისა და ხოსე გაიას გოლებით "ღამურები" ორჯერ იგებდნენ, მაგრამ ერთხელ ჩუმიმ მოახერხა ანგარიშის გათანაბრება, 74-ე წუთზე კი ხაუმე პორტილომ დააფიქსირა საბოლოო რეზულტატი - 2:2.


    "ლოს ჩეს" კარს კვლავ გიორგი მამარდაშვილი იცავდა. 22 წლის გოლკიპერს გამორჩეული თამაში არ ჰქონია და თავი მხოლოდ ერთი სეივით გამოიჩინა. ქართველის აქტივში უნდა ჩავწეროთ ისიც, რომ "ალმერიას" მიერ შეხვედრის დებიუტში გაცუდებული პენალტისას კუთხე გამოიცნო, ბურთი კი ძელმა აისხლიტა.


    Sofascore-მა გიორგის "ვალენსიას" შემადგენლობაში ყველაზე დაბალი შეფასება არგუნა და 6.1 ქულა დაუწერა. "ღამურების" სხვა მოთამაშეთა შეფასებები შემდეგნაირად გამოიყურება:



    აქვე გეტყვით, რომ "ვალენსია" ლა ლიგის ცხრილში მე-12 პოზიციაზეა. მომდევნო მატჩი ჯენარო გატუზოს შეგირდებს ბილბაოს "ატლეტიკის" წინააღმდეგ 26 იანვარს ელოდებათ. ეს შეხვედრა კოპა დელ რეის მეოთხედფინალური ეტაპის ეგიდით გაიმართება.

     

    Facebook კომენტარები