• 24-01-2023
    "ნაპოლის" ყოფილი პრეზიდენტი: "კვარას ერთადერთი პრობლემა აქვს"
    "ნაპოლის" ყოფილი პრეზიდენტი: "კვარას ერთადერთი პრობლემა აქვს"
    Aa

    "ნაპოლის" ექსპრეზიდენტი კორადო ფერლაინო სატელევიზიო არხ SPORTITALIA-ს ერთ-ერთი გადაცემის სტუმარი გახლდათ. ბუნებრივია, მთავარი თემა, რაზეც "პარტენოპეის" ყოფილმა მმართველმა ისაუბრა, ნეაპოლელთა ბრწყინვალე ასპარეზობა გახლავთ.


    კორადომ "ნაპოლის" საჩემპიონო შანსებზე გაამახვილა ყურადღება და გუნდის ქართველი ვარსკვლავი, ხვიჩა კვარაცხელიაც ახსენა.


    "ნაპოლი" კარგად გამოიყურება და სან ჯენაროც თუ შეგვეწევა, კონკურენტების წაგებებსაც ვნახავთ. სპალეტიმ დიდი სამუშაო გასწია. მან ფეხბურთელებს თავიანთი ძალების რწმენა გაუცოცხლა. "ნაპოლის" წარმატებაში სპალეტის წვლილი ძალიან დიდია.


    კვარაცხელია? ის ფენომენია, მაგრამ ერთი პრობლემა აქვს: მისი გვარის წარმოთქმა ძალიან რთულია (იცინის), მაგრამ ისიც უნდა აღვნიშნოთ, რომ ძალიან ძლიერი თანაგუნდელები ჰყავს," - ბრძანა ფერლაინომ.


    შეგახსენებთ, რომ სერია ა-ს 19 ტურში "ნაპოლის" 50 ქულა აქვს აღებული და მეორეადგილოსან "მილანს" 12 ქულით უსწრებს, თუმცა "როსონერის" სხვაობის შემცირების შანსი დღეს, "ლაციოსთან" მატჩში მიეცემა.



    Facebook კომენტარები