29 წლის სენეგალელი ფეხბურთელი, მუსა კონატე კარიერას ბათუმის "დინამოში" გააგრძელებს. ინფორმაციას შავიზღვისპირული გუნდი სოციალურ ქსელში ავრცელებს.

გამოცდილმა ფეხბურთელმა აჭარულ გუნდთან 1 წლიანი ხელშეკრულება გააფორმა.

ცნობისთვის, მუსა კონატეს ევროპაში თამაშის დიდი გამოცდილება აქვს. კონატეს თავისი კარიერის მანძილზე საფრანგეთის ლიგა 1-ში იტალიის სერია ა-ში  და სხვა ტოპ ჩემპიონატებში უთამაშია.

კონატე "ჯენოას", "დიჟონის", "სიონის", "ამიენის", "ექსპრეს ტუნისისა" და "სივასპორის" ღირსებას იცავდა.

ცნობისთვის, 29 წლის ფეხბურთელს სენეგალის ნაკრებში თამაშის გამოცდილებაც აქვს.