გიორგი მამარდაშვილის "ვალენსიამ" კოპა დელ რეის 1/4 ფინალური მატჩი  "ბილბაოს ატლეტიკთან" გამართა, სადაც მასპინძლები 1:3 დამარცხდნენ და ტურნირს გამოეთიშნენ.

აღსანიშნავია, რომ ქართველი მეკარე კვლავაც ძირითად შემადგენლობაში იმყოფებოდა, თუმცა მის ანგარიშზე არცერთი მოგერიებული ბურთი არ ყოფილა. ალბათ, ეს ლოგიკურიცაა, რადგან ბასკებმა სამივე დარტყმა (აქედან ერთი პენალტი) იდეალურად შეასრულეს და მეკარეს ნამდვილად ვერ დავადანაშაულებდით.

ინტერნეტსივრცეში მატჩის ერთ-ერთი საინტერესო ეპოზოდი გავრცელდა, სადაც იტალიელი სპეციალისტი ჯენარო გატუზო ქართველ მეკარეს რაღაცას განრისხებით უხსნის და ახალ მითითებებს აძლევს.