გუშინ შედგა ლა ლიგის მე-17 ტურის გადადებული მატჩი, რომელშიც მადრიდის "რეალმა" "ვალენსია" მარკო ასენსიოსა და ვინისიუს ჟუნიორის გოლებით დაამარცხა.

მიუხედავად 2 გაშვებული გოლისა, "ღამურების" ქართველ გოლკიპერს, გიორგი მამარდაშვილს საკმაოდ კარგი მატჩი ჰქონდა. 22 წლის მეკარემ 5 სეივი მიითვალა.

მამარდას თამაში წამყვანმა სტატისტიკურმა სააგენტოები შემდეგნაირად შეაფასეს:

Whoscored - 6.8 ქულა

Sofascore - 6.9 ქულა

Whoscored-მა უშუალოდ მატჩის საუკეთესო ფეხბურთელად ვინისიუსი დაასახელა, Sofascore-მა კი ეს სტატუსი დანი სებალიოსს მიანიჭა.

"ვალენსიას" ახლა 20 ქულა აქვს, ლა ლიგის ცხრილში მე-14 პოზიციაზე იმყოფება და გასავარდნ ზონას სულ 1 ქულით უსწრებს. "რეალი" კი მეორე ადგილზეა და ლიდერ "ბარსელონას" 5 ქულით ჩამორჩება.