როგორც მოგეხსენებათ, საქართველოს ნაკრებმა ზაგრებში გამართულ ევროპის ჩემპიონატზე საკმაოდ დიდი წარმატებით იასპარეზა.
ქართველებმა 2 ოქროს 2 ვერცხლისა და 3 ბრინჯაოს მედლის მოპოვება შეძლეს.
IJF-მა განაახლა რეიტინგი, სადაც ძიუდოისტებმა დიდი პროგრესი განიცადეს:
ვაჟა მარგველაშვილმა 700 სარეიტინგო ქულა ჩაიწერა აქტივში და მე-10 ადგილიდან მე-4 ადგილზე დაწინაურდა.
350 სარეიტინგო ქულის დამატების შემდეგ 73 კილოგრამ წონით კატეგორიაში მე-6 ადგილი გაიმყარა ლაშა შავდათუაშვილმა.
81 კილოგრამ წონით კატეგორიაში ჩემპიონმა, ტატო გრიგალაშვილმა 700 სარეიტინგო ქულა დაიმატა და 7015 ქულა დააგროვა. მსოფლიოს ჩემპიონი სიის მე-2 ადგილს იკავებს.
90 წონით კატეგორიაში ბრინჯაოს მედლის მოპოვების შემდეგ პროგრესი განიცადა ლაშა ბექაურმა და რეიტინგის სათავეში მოექცა.
100 კილოგრამ წონით კატეგორიაში ლიდერობა გაიმყარა ილია სულამანიძემ, რომელიც ევროპის ვიცე-ჩემპიონი გახდა.
+100 კილოგრამ წონით კატეგორიაში გურამ თუშიშვილმა მე-8 პოზიცია შეინარჩუნა.
ეთერ ლიპარტელიანი კი ერთი პოზიციით დაწინაურდა და 57 კილოგრამი წონით კატეგორიის რეიტინგში მე-6 პოზიციას იკავებს.