ეროვნული ლიგის მე-5 ტურის შეხვედრაში ბათუმის "დინამო" "გაგრას" ესტუმრა და ანგარიშით 1:4 იმარჯვა.

შეხვედრის მე-19 წუთზე ჯოვინო ფლამარიონმა ანგარიში გახსნა, მალევე ბრაზილიელმა მოთამაშემ დუბლი შეასრულა. ტაიმის მიწურულს პაატა ღუდუშაურმა სხვაობა 3-მდე გაზარდა.

მეორე ტაიმის სტარტზე ჯოვინო ფლამარიონმა ჰეთ-გრიზის შესრულება მოახერხა. მატჩის 59-ე წუთზე ზურაბ მუსელიანმა ერთი გოლი გაქვითა, თუმცა გაგრელებმა თამაშის შემოტრიალება ვეღარ მოახერხეს.

გია გეგუჩაძის გუნდი ეროვნულ ლიგაში 13 ქულით მე-2 ადგილზე იმყოფება, "გაგრა" კი ბოლო ადგილს იკავებს.

ბათუმის "დინამო" მომდევნო შეხვედრას "სამგურალის" წინააღმდეგ ჩაატარებს, გაგა კირკიტაძის გუნდი კი "საბურთალოს" დაუპირისპირდება.