• 17-05-2024
    მოიესი: "ჩვენ არავისთვის არ ვაპირებთ თამაშს..."
    მოიესი: "ჩვენ არავისთვის არ ვაპირებთ თამაშს..."

    პრემიერ ლიგის ტიტულის გადამწყვეტი მატჩის წინ, რომელიც "ვესტ ჰემმა" "მანჩესტერ სიტის" წინააღმდეგ უნდა გამართოს, დავიდ მოისემა, "ჩაქუჩების" მთავარმა მწვრთნელმა განაცხადა: "მათი დამარცხება ნებისმიერ დროს რთული ამოცანაა, განსაკუთრებით კი მაშინ, როცა იციან, რომ ჩემპიონობისგან მხოლოდ ჩვენთან მოგება აშორებთ.

    "ეს ჩვენზე დიდ ზეწოლას ახდენს, განსაკუთრებით იმიტომ, რომ ვიცით მათი შესაძლებლობები, თუმცა ეს არც მათთვის იქნება იოლი. ფეხბურთი არაპროგნოზირებადი სპორტია, არასდროს იცი, თუ რა მომენტში მოგიწევს თამაშის ბედის გადაწყვეტა. ჩვენ ვეცდებით, რომ ყველა შანსი გამოვიყენოთ, რომელიც მოგვეცემა."

    "ჩვენ საკუთარ თავებზე ვართ კონცენტრირებული. არ ვთამაშობთ იმისთვის, რომ "სიტის" ტიტული დავაკარგვინოთ ან "არსენალს" მოგებაში დავეხმაროთ, ჩვენ ჩვენი თავებისა და გულშემატკივრისთვის ვეცდებით გავიმარჯვოთ." განაცხადა შოტლანდიელმა სპეციალისტმა.

    შეგახსენებთ, რომ პრემიერ ლიგის ტიტულის ბედი ამ მატჩში გადაწყდება, რომელიც კვირას, "ეტიჰადზე" გაიმართება. "სიტის" მხოლოდ 1 გამარჯვება აშორებს ისტორიულ, ზედიზედ მეოთხე ინგლისის ჩემპიონობამდე. რაც შეეხება "ვესტ ჰემს", მათთვის ამ მატჩს არანაირი მნიშვნელობა არ ექნება, ვინაიდან კლუბმა ცხრილში მე-9 ადგილი უკვე ოფიციალურად გაინღდა.

    Facebook კომენტარები