დღეს, სლავა მეტრეველის სახელობის სუპერთასის ორივე ნახევარფინალური შეხვედრა გაიმართა.

თბილისის “დინამოსა” და გორის “დილას” დაპირისპირებაში გიორგი ჭიაბრიშვილის გუნდმა იმარჯვა.

ძირითადი დრო ფრედ, 1:1 დასრულდა. გოლების გატანა ომარ ულად იმრანმა და ონორე გომისმა მოახერხეს.

პენალტების სერიაში კი თბილისის “დინამოში” ახლად დაბრუნებულმა გიორგი ლორიამ იყოჩაღა, რომელმაც 2 თერთმეტმეტრიანი მოიგერია.

მეორე ნახევარფინალურ შეხვედრაში ძირითადი დრო ფრედ 0:0 დასრულდა. პენალტების სერიაში კი ბათუმის “დინამომ” ქუთაისის “ტორპედოს” 6:5 სძლია.

ცნობისთვის, სლავა მეტრეველის სახელობის სუპერთასის ფინალი, სადაც ერთმანეთს თბილისასა და ბათუმის “დინამოები” დაუპირისპირდებიან 4 თებერვალს 17:00 საათზე დინამო არენაზე გაიმართება.