• 13-04-2022
    როგორი იქნება "ნაპოლის" სასტარტო XI კვარაცხელიასთან ერთად
    როგორი იქნება "ნაპოლის" სასტარტო XI კვარაცხელიასთან ერთად

    როგორც მოგეხსენებათ, ქართული ფეხბურთის იმედად შერაცხული შემტევი, ხვიჩა კვარაცხელია კარიერის "ნაპოლიში" გაგრძელებასთან ძალიან ახლოსაა.


    უკვე მრავალმა იტალიურმა წყარომ დაწერა იმის შესახებ, რომ 21 წლის გარემარბის "პარტენოპეიში" გადაბარგება გადაწყვეტილია. გარკვეულია კონტრაქტის დეტალებიც - ხელშეკრულების ვადა 5 წელი იქნება, ხოლო სეზონურ ანაზღაურებად 1.5 მილიონი ევრო განიხილება.


    მოარული ხმების თანახმად, "დიეგო მარადონა არენაზე" ხვიჩას "ტორონტოში" მიმავალი ლორენციო ინსინიეს შემცვლელად ხედავენ. მაშასადამე, სულაც არაა გამორიცხული, რომ ქართველი გუნდის სასტარტო შემადგენლობას თავიდანვე გაუშინაურდეს.


    ამის გათვალისწინებით, გთავაზობთ "ნაპოლის" სავარაუდო თერთმეტეულს მომდევნო სეზონისთვის:


    მეკარე: დავიდე ოსპინა


    დაცვა: ჯოვანი დი ლორენსო - ამირ რაჰმანი - კალიდუ კულიბალი - მარიო რუი


    ნახევარდაცვა: ფაბიან რუისი - სტანისლავ ლობოტკა - პიოტრ ზიელინსკი


    შეტევა: მატეო პოლიტანო - ვიქტორ ოსიმენი - ხვიჩა კვარაცხელია


    ბუნებრივია, ეს შემადგენლობა მხოლოდ პირობითია და არავინ იცის, რა სურათი გვექნება მომდევნო სეზონის სტარტზე. არაა გამორიცხული, ოსიმენი ან ზიელინსკი "ნაპოლიში"" სულაც აღარ ირიცხებოდნენ, თუმცა ჩვენთის მთავარი ისაა, რომ კვარაცხელიას ტრანსფერი შედგეს, შემდეგ კი ყველაფერი თავად ხვიჩაზე იქნება დამოკიდებული.

    Facebook კომენტარები