ვასკესი: "იგუაინი მსოფლიოში საუკეთესო ცხრიანია"

13-09-2016, 22:22

ანდალუსიის "სევილიას" არგენტინელი ნახევარმცველის, ფრანკო ვასკესის განცხადებით, მისი თანაგუნდელი ეროვნულ ნაკრებში, მსოფლიოს საუკეთესო თავდამსხმელია.

როგორც მოგეხსენებათ, ხვალ "სევილია" და "იუვენტუსი" ერთმანეთს დაუპირსპირდებიან ჩემპიონთა ლიგის ჯგუფურ ეტაპზე. არგენტინელმა ფეხბურთელმა კი მატჩის წინ კომენტარი გააკეთა.

"ტურინელები სწორად მოიქცნენ, როდესაც იგუაინში 90 მილიონი ევრო გადაიხადეს. ის ამჟამად მსოფლიოს საუკეთესო ცხრიანია."

"შესაძლოა მას სურდა დიდი წარმატების მიღწევა ევროპაში და სწორედ ეს გახდა იმიზეზი იმისა, რომ მან ნეაპოლური კლუბი დატოვა. იგივეს თქმა შეიძლება ტურინელებზეც, "ბებერ სინიორასაც" სწყურია ჩემპიონთა ლიგაზე ტრიუმფი. ასეთი ტრანსფერების შემდეგ კი ნამდვილად შეგვიძლია ვთქვათ, "იუვენტუსი" ჩემპიონთა ლიგის ერთ-ერთი მთავარი ფავორიტია. დარწმუნებული ვარ, ისინი შეძლებენ "რეალთან", "ბარსასთან" და "პსჟ"-სთან კონკურენციის გაწევას და ფინალში თამაშს." - განაცხადა ვასკესმა La Gazzetta Dello Sport-თან ინტერვიუში.


საინტერესო

კომენტარის დასამატებლად გთხოვთ გაიაროთ რეგისტრაცია.

პროგნოზები

ცხრილები

დაგვიმეგობრდით