"რატომ კვარაცხელია? ვინც დაიმსახურებს ის ითამაშებს" - რა თქვა ანტონიო კონტემ

"ნაპოლის" მთავარმა მწვრთნელმა, ანტონიო კონტემ ჟურნალისტების შეკითხვას უპასუხა.

იტალიელმა სპეციალისტმა დავიდ ნერეშისა და ხვიჩა კვარაცხელის კონკურენციის შესახებ გააკეთა განცხადება:

"კვარაცხელია და ნერეში ერთად? და რატომ არა ნერეში და პოლიტანო? გარანტირებული არავის არაფერი აქვს, მით უმეტეს "ნაპოლიში"… ვინც უკეთესია ის ითამაშებს. თამაში ყველას შეუძლია, მაგრამ, ასევე, სკამიც ყველასთვისაა.

ნერეშმა ძირითად შემადგენლობაში მოხვედრა დაიმსახურა და ეს სხვებისთვის გაფრთხილება უნდა იყოს. რა თქმა უნდა, ეს ნიშნავს, რომ ვინც უკეთესია, ის ითამაშებს.”

კონტე ხვიჩას ნერეშით ჩანაცვლებაზე ხშირად საუბრობს, თუმცა კვარას გარაშე შედეგებიდან გამომდინარე, ეს მეტად რთული საქმეა, ბრაზილიელი შემტევი იგივე სამუშაოს ვერ ასრულებს, რასაც კვარა.

აქვე შეგახსენებთ, რომ სავარაუდოდ კვარაცხელია "ვენეციასთან" გასამართი მატჩისთვის მზად იქნება.