მიქაუტაძე "ლიონს" ტოვებს? - ჟორჟის ტრანსფერი ამ გუნდში უკვე ძალიან რეალური გახდა

თურქულ მედიაში გიორგი მიქაუტაძის "გალათასარაიში" ტრანსფერზე სულ უფროდაუფრო მეტი იწერება.

პრესის ცნობით, სტამბოლურ გუნდს შეტევაში გაძლიერება სურს, რადგან ვიქტორ ოსიმენი ზაფხულის სატრანსფერო ფანჯარაზე გუნდს დატოვებს.

ნიგერიელის შემცვლელად სწორედ ქართველს, ან მის თანაგუნდელ გიფტ ორბანს განიხილავენ.

როგორც ცნობილია, თურქულმა გუნდმა "ლიონთან" საუბარი უკვე დაიწყო.

აქვე შეგახსენებთ, რომ გიორგიმ ახალ გუნდში ძალიან მოუმატა, მას "ლიონის ოლიმპიკის" რიგებში უკვე 6 გოლი და 1 საგოლე პასი დაუგროვდა.

ცნობისთვის, გიორგი მიქაუტაძეს ფრანგული გუნდის დატოვება არ სურს, არც კლუბის ხელმძღვანელობა განხილავს მის გაშვებას, თუმცა არსებული ფინანსური პრობლემები კითხვის ნიშნებს ბადებს.