ფედელამ კვარაცხელია კრიტიკოსებისგან დაიცვა - რა განცხადებას აკეთებს იტალიელი საფეხბურთო სპეციალისტი

იტალიელმა საფეხბურთო სპეციალისტმა, ენრიკო ფედელემ ერთ-ერთ გადაცემაში "ნაპოლიზე" და ხვიჩა კვარაცხრელიაზე ისაუბრა.

მან ქართველის კრიტიკოსებს საჯაროდ მიმართა:

"ანტონიო კონტემ ნათლად დაგვანახა, თუ რომელი ფეხბურთელის დატვირთვა სურს მოედანზე ყველაზე მეტად. როდესაც კვარაცხელიას კარგი თამაში აქვს, "ნაპოლის" შეჩერება ურთულესია. ზოგჯერ მას აკრიტიკებენ, მაგრამ არ უნდა დაგავიწყდეთ, რომ მიმდინარე სეზონში მის ანგარიშზე 5 გატანილი გოლი და 3 შედეგიანი პასია.

როდესაც ქართველი გამოჯანმრთელდება და მოედანზე დაბრუნდება, იდეალური იქნება, თუ მეტოქის კართან უფრო ახლოს ითამაშებს", - თქვა იტალიელმა.

აქვე შეგახსენებთ, რომ კვარა იმაზე მალე გამოჯანმრთელდა ვიდრე ველოდით, როგორც იწერება, ქართველი "ჯენოასთან" სათამაშოდ მზად იქნება.