კვარა წავა, "ნაპოლიმ" ქართველი ფეხბურთელის შემცვლელი იპოვა - იტალიური მედია

ცნობილმა გამოცემა "Areanapoli"-მ ხვიჩა კვარაცხელიასთან დაკავშირებით საინტერესო სტატია გამოაქვეყნა.

კერძოდ, სერია ა-ს მე-18 ტურის შემდეგ გამოცემამ დაწერა, რომ ქართველი ვინგერი არადამაჯერებლად გაისარჯა და დამაგვირგვინებელ ფაზაში ვერ იყოჩაღა. 

როგორც იწერება, რეალური შანსია იმისა, რომ "ნაპოლი" ხვიჩას 75 მილიონი ევროს სანაცვლოდ შეელიოს. 

რაც შეეხება კვარას შემცვლელს, არაერთი გამოცემა აღნიშნავს, რომ ამ პოზიციაზე ნეაპოლურ კლუბს დავიდ ნერეშის სახით კარგი ვარიანტი ჰყავს. 

აქვე გეტყვით, რომ ხვიჩას წარმომადგენლები "ნაპოლისთან" ახალი კონტრაქტის დეტალებს აგვარებენ, რის მიხედვითაც ქართველი კლუბთან კონტრაქტს 2029 წლამდე გაახანგრძლივებს.